तुझ्यात कसं गुंतायचं ....

तुला वाटत मी 
तुझ्या डोळ्यात बघायचं 
एकटक पाहून 
माझ भान हरवायचं 
भान हरवून मनाला 
वेड लागून गेल्यावर 
सांग तुझ्यापासून मी 
दूर कसं रहायचं 
एकतर तुझे डोळेच 
मला वेड लावतात 

मी पापण्या मिटल्या तरी
मला ते खुणावतात
त्यांनीच शिकवलं मला
तुझ्यात कसं गुंतायचं
एकदा गुंतल्यावर मनानं
दूर कसं रहायचं
तुझे लांबसडक केस
मला जाळ्यात ओढतात
तू घालतेस अंबाडा
ते मनास गुंतवतात
तुला बरोब्बर ठाऊक आहे
मला कसं गुंडाळायच
पण मन तुझं झाल्यावर
दूर कसं रहायचं
एकतर प्रेमाच्या भानगडीत
मला नव्हत पडायचं
कुणी सांगितलं होत
स्वतःच हृदय हरवायचं
पण तुझं हृदय भेटलं
न जगणंच बदलून गेलं
आता हृदय गेलं कामातून
सांग ! कसं जगायचं.

By:- 

चारुहास पोफळी